Waziri Mchengerwa azindua zoezi la kitaifa la kusaka na kuibua vipaji "mtaa Kwa mtaa."

 



Na John Mapepele

Waziri wa Utamaduni,  Sanaa na Michezo, Mhe. Mohamed Mchengerwa leo Oktoba 16, 2022 amezindua  zoezi la  kitaifa la  kuibua na kusaka vipaji  vya Sanaa la "Mtaa kwa Mtaa" eneo la  Ikwiriri wilayani Rufiji, zoezi ambalo litafanyika nchi nzima.

Akizindua zoezi hilo katika eneo la Ikwiriri, Mhe. Mchengerwa amesema eneo linalofuata baada ya uzinduzi wa leo ni Mkoa wa Arusha ambapo litafanyika kila mtaa ili kuibua vipaji kwenye sanaa.

Amewataka watanzania  wenye vipaji vya Sanaa kujitokeza wakati wa zoezi hilo likiendelea  ili waweze kuendelezwa baada ya kuibuliwa, huku akisisitiza  kauli ya Kipaji chako ndiyo mtaji wako.


"Ndugu zangu hii ni ndoto ya Mheshimiwa Rais wetu, Rais anatamani kuona misingi iliyowekwa na Baba wa Taifa, Mwalimu Nyerere ya kuthamini na kuendeleza Sanaa inaendelezwa ili kuwanufaisha vijana" amesisitiza,  Mhe. Mchengerwa
 
Amezitaka mamlaka za wilaya na mikoa kote nchini kusaidia  kuibua  vipaji vya watanzania ili azma ya Serikali  ya kuibua na kuendeleza vipaji vya sanaa iweze kutimia.


Amezihakikishia mamlaka hizo kuwa  Wizara ipo tayari wakati wowote kwa wilaya iliyo tayari kuibua vipaji vya Sanaa.

Mtendaji Mkuu wa Baraza la Sanaa la Taifa (BASATA) Dkt. Kedmon Mapana amesema  zoezi hilo limefanyika kwa siku mbili limeibua vipaji vingi ambavyo vinakwenda kuendelezwa.


Katika zoezi hilo ambalo limekuwa na mafanikio makubwa kutokana na wasanii wengi wa Sanaa mbalimbali kujitokeza lilishirikisha viongozi wa Mashirikisho yote ya Sanaa, Baraza la Sanaa kutoka Zanzibar na wadau mbalimbali wa Sanaa.

Akitoa ushuhuda wa hazina ya vipaji vya Sanaa  katika Wilaya ya Rufiji mbele ya Mhe. Mchengerwa, Rais aliyewakilisha Shirikisho la Muziki nchini, Mzee Yusufu amesema amefurahishwa na  msanii mwenye umri mdogo (11) Musa Mbonde mwenye kipaji kikubwa cha kuimba ambaye amepatia jina la Mzee Yusufu Junior na kuahidi kumsaidia.
Miongoni mwa Sanaa zilizopitiwa ni pamoja na upishi, ngoma, uigizaji, uchongaji na  usukaji kwa zaidi ya wasanii 80 katika wilaya ya Rufiji.

Wakisoma risala mbele ya Mhe. Waziri, wasanii wa Wilaya hiyo wamemwomba   kupatiwa kituo cha redio, studio na vifaa vya kupigia picha ambapo Mhe. Mchengerwa amesema kuwa atafanyia kazi.


Mhe. Mohamed Mchengerwa pia amekakuqua kazi mbalimbali za Sanaa na  kutoa vyeti vya pongezi Kwa wasanii mbalimbali walioibuliwa.

Comments

Post a Comment

Popular posts from this blog

TANZANIA KUSHIRIKI KOMBE LA DUNIA-MHE MCHENGERWA

Image
  Na John Mapepele Waziri wa Utamaduni, Sanaa na Michezo. Mohamed Mchengerwa amesema Tanzania inatarajia kushiriki kwenye mashindano ya kombe la dunia baada ya kumalizika mashindano ya mwaka huu 2022 yanayofanyika Qatar kutokana na mikakati kabambe ya maandalizi inayoendelea hivi sasa. Mhe. Mchengerwa ameyasema haya leo Februari 8, 2022 jijini Dar es Salaam kwenye halfa iliyoandaliwa na ubalozi wa Qatar, kuadhimisha siku ya michezo ya nchi hiyo inayofanyika kila jumanne ya mwezi Februari kila mwaka, ambapo Mhe.Balozi Hussain bin Ahmad Al Homaid na Mhe. Waziri Mchengerwa waliongoza mazoezi ya kutembea uwanjani  kama ishara ya ushiriki wa maadhimisho ya siku hiyo. Katika halfa hiyo aliambatana ya Katibu Mkuu wake, Dkt. Hassan Abbasi, Naibu Katibu Mkuu, Saidi Yakubu na Kaimu Katibu Mtendaji wa Baraza la Michezo la Taifa (BMT) Neema Msitha.Amesema Tanzania inakusudia kushiriki katika mashindano hayo kutokana na mikakati kabambe iliyojiwekea ikiwa ni pamoja na kuboresha miundombinu...
Read more

Diamond apongeza Serikali ya Rais Samia kwa kuwasaidia wasanii, kurejesha tuzo

Image
  Na. John Mapepele Mkurugenzi Mkuu wa Wasafi na  Msanii maarufu ndani na nje ya Bara la Afrika, Diamond Platinum amemshukuru  Rais wa Jamhuri ya Muungano wa Tanzania. Mhe,  Rais Samia Suluhu Hassan kupitia Wizara ya Utamaduni, Sanaa na Michezo kwa kuwaunganisha  wasanii ili sekta ya Sanaa iweze kuwanufaisha. Diamond amesema haya leo Machi 25, 2022 mbele ya Waziri wa Utamaduni, Sanaa na Michezo. Mhe, Mohamed Mchengerwa alipotembelea  Kampuni ya Wasafi inayomiliki rebo ya Wasafi, Wasafi TV na Wasafi FM redio kwa lengo la kukagua  kazi za Sanaa. Amesema Serikali kupitia Wizara ya Utamaduni imefanya mapinduzi makubwa  katika sanaa kwa  kubuni mikakati mbalimbali ya kuwaunganisha na kuwanufaisha wasanii. Miongoni mwa mikakati ameitaja mizuri ya Serikali kuwa ni pamoja na  kurejesha tuzo za muziki. Kwa  upande wake Mhe. Mchengerwa amesema Serikali imeshatenga  fedha nyingi kwa ajili ya kuwekeza kwenye Sanaa ili wasanii waweze kunufa...
Read more