Mchengerwa- Mkakati wa kubidhaisha kiswahili kuzinduliwa siku ya kiswahili duniani

 


Na John Mapepele

Waziri wa Utamaduni, Sanaa na Michezo. Mhe, Mohamed Mchengerwa amesema kesho  katika kilele cha maadhimisho ya siku ya kiswahili duniani Serikali inakwenda kuzindua Mkakati wa kukuza na kubidhaisha lugha ya Kiswahili wa miaka kumi kuanzia 2022 hadi 2032.

Amesema mgeni rasmi katika siku ya kilele cha siku ya kiswahili duniani  anatarajiwa kuwa Makamo wa Rais, Mhe. Isdor Mpango.

Mhe. Mchengerwa ameyasema hayo Julai 6, 2022 kwenye mdahalo wa kujadili mchango wa kiswahili katika ukombozi wa nchi za Afrika wakati akijibu maswali mbalimbali yaliyoulizwa na wadau.

Amesema pamoja na mambo mengine mkakati huo utajikita katika eneo la uandaaji wa kanzidata na maeneo ya wataalam, kutafuta fursa za kiswahili na kuwaunganisha  nazo.
Aidha, amesema lazima kama Serikali lazima kuongeza weledi na kuamua tunataka  kufanya nini ili dunia ijue kuwa kiswahili kilizaliwa Tanzania  na kunufaika nacho.

"Pale viongozi wanapokwenda katika mataifa mbalimbali duniani lazima waandaliwe ili waweze kukitangaza kiswahili kimkakati" amesisitiza, Mhe. Mchengerwa

Amesema hii tabia ya kusema tunabidhaisha  lugha ya bila ya kuwa na mikakati haitakuwa na tija ikiwa hakutakuwa na jitihada za makusudi za kukitangaza kiswahili ambapo amelitaka  BAKITA  kujipanga zaidi.

Pia amewataka kila anayepata fursa kukitangaza kiswahili afanye kwa weledi ili fursa hizo zitoe majibu.

Amelielekeza BAKITA kutoka na kukielezea kiswahili badala ya kufanya mazoea ya kukaa maaofisini.

Pia amesema Kamusi za lugha ya Kiswahili zisitumike tu kwenda kwenye matamasha bali zifike kwenye mashule ili zitumike  hatimaye kutoa wigo mpana kwa wanafunzi kuelewa lugha ya kiswahili.

Kuhusu kukisamba kiswahili katika balozi mbalimbali duniani amesema tayari  Serikali  imesaini mkataba na nchi ya Afrika ya kusini kwa ajili ya kufundisha katika balozi zake.

Akitoa shukrani kwa niaba ya Wizara , Naibu Waziri wa Utamaduni, Sanaa na Michezo. Mhe, Pauline Gekul amesema anawashukuru wadau wote waliochangia na kwamba michango yao yote itafanyiwa kazi  ili kukuza lugha adhimu ya Kiswahili.

Comments

Post a Comment

Popular posts from this blog

TANZANIA KUSHIRIKI KOMBE LA DUNIA-MHE MCHENGERWA

Image
  Na John Mapepele Waziri wa Utamaduni, Sanaa na Michezo. Mohamed Mchengerwa amesema Tanzania inatarajia kushiriki kwenye mashindano ya kombe la dunia baada ya kumalizika mashindano ya mwaka huu 2022 yanayofanyika Qatar kutokana na mikakati kabambe ya maandalizi inayoendelea hivi sasa. Mhe. Mchengerwa ameyasema haya leo Februari 8, 2022 jijini Dar es Salaam kwenye halfa iliyoandaliwa na ubalozi wa Qatar, kuadhimisha siku ya michezo ya nchi hiyo inayofanyika kila jumanne ya mwezi Februari kila mwaka, ambapo Mhe.Balozi Hussain bin Ahmad Al Homaid na Mhe. Waziri Mchengerwa waliongoza mazoezi ya kutembea uwanjani  kama ishara ya ushiriki wa maadhimisho ya siku hiyo. Katika halfa hiyo aliambatana ya Katibu Mkuu wake, Dkt. Hassan Abbasi, Naibu Katibu Mkuu, Saidi Yakubu na Kaimu Katibu Mtendaji wa Baraza la Michezo la Taifa (BMT) Neema Msitha.Amesema Tanzania inakusudia kushiriki katika mashindano hayo kutokana na mikakati kabambe iliyojiwekea ikiwa ni pamoja na kuboresha miundombinu...
Read more

Diamond apongeza Serikali ya Rais Samia kwa kuwasaidia wasanii, kurejesha tuzo

Image
  Na. John Mapepele Mkurugenzi Mkuu wa Wasafi na  Msanii maarufu ndani na nje ya Bara la Afrika, Diamond Platinum amemshukuru  Rais wa Jamhuri ya Muungano wa Tanzania. Mhe,  Rais Samia Suluhu Hassan kupitia Wizara ya Utamaduni, Sanaa na Michezo kwa kuwaunganisha  wasanii ili sekta ya Sanaa iweze kuwanufaisha. Diamond amesema haya leo Machi 25, 2022 mbele ya Waziri wa Utamaduni, Sanaa na Michezo. Mhe, Mohamed Mchengerwa alipotembelea  Kampuni ya Wasafi inayomiliki rebo ya Wasafi, Wasafi TV na Wasafi FM redio kwa lengo la kukagua  kazi za Sanaa. Amesema Serikali kupitia Wizara ya Utamaduni imefanya mapinduzi makubwa  katika sanaa kwa  kubuni mikakati mbalimbali ya kuwaunganisha na kuwanufaisha wasanii. Miongoni mwa mikakati ameitaja mizuri ya Serikali kuwa ni pamoja na  kurejesha tuzo za muziki. Kwa  upande wake Mhe. Mchengerwa amesema Serikali imeshatenga  fedha nyingi kwa ajili ya kuwekeza kwenye Sanaa ili wasanii waweze kunufa...
Read more

Rais Samia Aipongeza Wizara Ya Utamaduni, Sanaa Na Michezo Kwa Mikakati Na Ubunifu Mkubwa.

Image
  John Mapepele-WUSM Rais wa Jamhuri ya Muungano wa Tanzania. Mhe, Samia Suluhu Hassan ameipongeza Wizara ya Utamaduni, Sanaa na Michezo kwa ubunifu na mikakati kabambe ya kuandaa matamasha mbalimbali ya sekta hizo yanayoleta tija kwa wananchi na kuielekeza kukaa pamoja na Wizara ya Maliasili na Utalii ili kuja na mkakati wa kuandaa matamasha bora zaidi ili yatumike kuitangaza Tanzania na kutoa ajira kwa wananchi. Rais Samia ameyasema haya leo Januari 22, 2022 kwenye Uwanja wa Chuo Kikuu cha Ushirika Moshi wakati akizindua Tamasha la Utamaduni la Mkoa wa Kilimanjaro lililoratibiwa na Wizara ya Utamaduni, Sanaa na Michezo, Chama cha Umoja wa Machifu Tanzania kupitia Mwenyekiti wa Machifu Mkoa wa Kilimanjaro, Frank Mareale na Mkoa wa Kilimanjaro. Mhe. Rais amesema, kutokana na umuhimu mkubwa wa Utamaduni aliamua kuunda wizara maalum ya Utamaduni, Sanaa na Michezo ili kutunza maadili, kuzalisha ajira na kukuza michezo na kuwachagua viongozi vijana kuongoza wizara hiyo ambapo amesisiti...
Read more