Na John Mapepele

Waziri wa Utamaduni, Sanaa na Michezo. Mhe, Mohamed Mchengerwa amesema watanzania   wakiongozwa na Rais wa Jamhuri ya Tanzania. Mhe, Samia Suluhu Hassan wanaitaka timu ya Taifa ya wanawake chini ya umri wa miaka 17 (Serengeti Girls) kuleta ushindi wa heshima katika mechi ya marudiano dhidi ya timu ya Cameroon   ya kufuzu mashindano ya soka ya dunia kwa kuibamiza mabao mengi kuliko ushindi wa mabao manne kwa nunge uliopatikana  kwenye mechi ya awali Mei 22, 2022 nchini Cameroon. 

Mhe. Mchengerwa ametoa kauli hiyo leo alipoitembelea timu hiyo akiambata na Naibu Waziri, Mhe. Pauline Gekul, Katibu Mkuu Dkt. Hassan Abbasi na Mkurugenzi wa Michezo nchini pamoja na Viongozi  Wakuu wa Shirikisho la soka Tanzania na Zanzibar kwenye uwanja wa Amani uliopo Zanzibar ambapo amefafanua  kuwa watanzania wanaimani kubwa na timu hiyo ili kuandika historia  ya  kuwa timu ya kwanza Tanzania kufungua  milango ya Tanzania kuingia mashindano ya dunia mwaka huu.

“Na msikubali kufungwa hata goli moja kwenye mechi hii na huo ndiyo ushindi wa heshima, na heshima hii mtaipeleka kwa Mhe. Rais Samia Suluhu Hassan, Rais wa Zanzibar. Mhe, Dkt. Hussein Mwinyi na watanzania wote kwa ujumla” amesisitiza  Mhe. Waziri Mchengerwa

Amesema ndoto ya Rais Samia ni kuona kuwa timu hiyo inapiga hatua kwenye mchezo huo ili kulipeleka taifa la Tanzania kwenye mashindano ya dunia na amewaomba kuweka uzalendo na utaifa mbele.

Aidha, amesema Mhe. Rais Samia Suluhu Hassan anapambana kujenga  miundombinu  na viwanja vya michezo na amefafanua kwamba  hata kama Serikali ikiwekeza kwa kiwango gani kwenye sekta ya michezo lakini endapo  wachezaji wasipokuwa na nidhamu, kuzingatia maadili na uzalendo na utaifa haitasaidia kupiga hatua kwenye  michezo.


"Nataka niwaambiae hitoria ya Tanzania katika soka inaanzia kwenu, tumekuwa tukishiriki mashindano mbalimbali mara kadhaa lakini hatufiki popote, naamini hata ninyi mnajua hili!.  Ni kwa sababu hii nadiriki kusema Mwenyezi Mungu ameamua ninyi muanzishe historia soka  duniani katika nchi yetu,  kwa hiyo jukumu mlilonalo  ninyi  sasa ni kuhakikisha kuwa matamanio na ndoto za watanzania ambazo wamekuwa wakiziota  miaka mingi za kushiri kwenye  mashindano ya dunia kwenye soka mnayatimiza, na kamwe msibweteke kuwa kwa sababu mliwafunga Cameroon  mabao manne kwao”amefafanua  Mhe. Mchengerwa

Amesema vipaji hiyo walivyonavyo kama wataweza kuyabeba na matumaini ya watanzania walio wengi wenye hamu ya kujua kitachoitokea katika mchezo ujao basi mtaji wao ni vipaji vyao wao kwa maana ya kuwa  vipaji vyao ndiyo mtaji wao wa kufungua na kuboresha maisha yao. 

Amesema watanzania wengi wamekuwa na hofu kuwa Tanzania haiwezi kupiga hatua kwenye soka pengine kwa sababu hakuna miundombinu ambapo amesema  hiyo siyo kweli kwa kuwa  timu hiyo imefika kwenye hatua hiyo ya juu kabisa kwa  kutumia miundombinu hiyohiyo.

Kwa upande wake Nahodha wa timu hiyo, Nohela Luhala amemthibitishia Mhe. Waziri na ujumbe wake  kuwa watapambana kufa na kupona ili kuhakikisha kuwa wanaingia kwenye mashindano hayo ambayo yatafanyika nchini India  mwaka huu. 

“Ninaomba kukuhakishia Mhe. Waziri kuwa kama Mhe. Mama yetu kipenzi na Rais wetu Samia Suluhu Hassan alivyokuwa Rais Mwanamke wa kwanza kuiongoza Tanzania na sisi itakuwa timu ya kwanza nchini kuiingiza Tanzania kwenye mashindano ya dunia ya soka” amesisitia Luhala.   

Comments

Post a Comment

Popular posts from this blog

TANZANIA KUSHIRIKI KOMBE LA DUNIA-MHE MCHENGERWA

Image
  Na John Mapepele Waziri wa Utamaduni, Sanaa na Michezo. Mohamed Mchengerwa amesema Tanzania inatarajia kushiriki kwenye mashindano ya kombe la dunia baada ya kumalizika mashindano ya mwaka huu 2022 yanayofanyika Qatar kutokana na mikakati kabambe ya maandalizi inayoendelea hivi sasa. Mhe. Mchengerwa ameyasema haya leo Februari 8, 2022 jijini Dar es Salaam kwenye halfa iliyoandaliwa na ubalozi wa Qatar, kuadhimisha siku ya michezo ya nchi hiyo inayofanyika kila jumanne ya mwezi Februari kila mwaka, ambapo Mhe.Balozi Hussain bin Ahmad Al Homaid na Mhe. Waziri Mchengerwa waliongoza mazoezi ya kutembea uwanjani  kama ishara ya ushiriki wa maadhimisho ya siku hiyo. Katika halfa hiyo aliambatana ya Katibu Mkuu wake, Dkt. Hassan Abbasi, Naibu Katibu Mkuu, Saidi Yakubu na Kaimu Katibu Mtendaji wa Baraza la Michezo la Taifa (BMT) Neema Msitha.Amesema Tanzania inakusudia kushiriki katika mashindano hayo kutokana na mikakati kabambe iliyojiwekea ikiwa ni pamoja na kuboresha miundombinu...
Read more

Diamond apongeza Serikali ya Rais Samia kwa kuwasaidia wasanii, kurejesha tuzo

Image
  Na. John Mapepele Mkurugenzi Mkuu wa Wasafi na  Msanii maarufu ndani na nje ya Bara la Afrika, Diamond Platinum amemshukuru  Rais wa Jamhuri ya Muungano wa Tanzania. Mhe,  Rais Samia Suluhu Hassan kupitia Wizara ya Utamaduni, Sanaa na Michezo kwa kuwaunganisha  wasanii ili sekta ya Sanaa iweze kuwanufaisha. Diamond amesema haya leo Machi 25, 2022 mbele ya Waziri wa Utamaduni, Sanaa na Michezo. Mhe, Mohamed Mchengerwa alipotembelea  Kampuni ya Wasafi inayomiliki rebo ya Wasafi, Wasafi TV na Wasafi FM redio kwa lengo la kukagua  kazi za Sanaa. Amesema Serikali kupitia Wizara ya Utamaduni imefanya mapinduzi makubwa  katika sanaa kwa  kubuni mikakati mbalimbali ya kuwaunganisha na kuwanufaisha wasanii. Miongoni mwa mikakati ameitaja mizuri ya Serikali kuwa ni pamoja na  kurejesha tuzo za muziki. Kwa  upande wake Mhe. Mchengerwa amesema Serikali imeshatenga  fedha nyingi kwa ajili ya kuwekeza kwenye Sanaa ili wasanii waweze kunufa...
Read more

Rais Samia Aipongeza Wizara Ya Utamaduni, Sanaa Na Michezo Kwa Mikakati Na Ubunifu Mkubwa.

Image
  John Mapepele-WUSM Rais wa Jamhuri ya Muungano wa Tanzania. Mhe, Samia Suluhu Hassan ameipongeza Wizara ya Utamaduni, Sanaa na Michezo kwa ubunifu na mikakati kabambe ya kuandaa matamasha mbalimbali ya sekta hizo yanayoleta tija kwa wananchi na kuielekeza kukaa pamoja na Wizara ya Maliasili na Utalii ili kuja na mkakati wa kuandaa matamasha bora zaidi ili yatumike kuitangaza Tanzania na kutoa ajira kwa wananchi. Rais Samia ameyasema haya leo Januari 22, 2022 kwenye Uwanja wa Chuo Kikuu cha Ushirika Moshi wakati akizindua Tamasha la Utamaduni la Mkoa wa Kilimanjaro lililoratibiwa na Wizara ya Utamaduni, Sanaa na Michezo, Chama cha Umoja wa Machifu Tanzania kupitia Mwenyekiti wa Machifu Mkoa wa Kilimanjaro, Frank Mareale na Mkoa wa Kilimanjaro. Mhe. Rais amesema, kutokana na umuhimu mkubwa wa Utamaduni aliamua kuunda wizara maalum ya Utamaduni, Sanaa na Michezo ili kutunza maadili, kuzalisha ajira na kukuza michezo na kuwachagua viongozi vijana kuongoza wizara hiyo ambapo amesisiti...
Read more